Бугарија ѝ врачи протестна нота на Русија за нарушување на воздушниот простор на Полска и Романија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ѝ врачи протестна нота на Русија за нарушување на воздушниот простор на Полска и Романија

16 септември 2025

• од Станча Јаќимовски

Министерството за надворешни работи на Бугарија денеска ѝ врачи протестна нота на амбасадорката на Руската Федерација во Софија, Елеонора Митрофанова, поради серијата нарушувања на воздушниот простор на земји-членки на НАТО и Европската Унија од страна на руски воени беспилотни летала.

На средбата во МНР, генералната директорка за политички прашања, Гергана Караџова, официјално ѝ предаде писмен демарш на амбасадорката Митрофанова. Со него Бугарија остро го осудува нарушувањето на воздушниот простор на Полска на 10 септември, како и на Романија на 13 септември, изразувајќи целосна солидарност со своите сојузници и партнери во НАТО и ЕУ.

Осуда на „неодговорни дејствија“

Според бугарската дипломатија, ваквите активности се оценети како „сериозна закана за безбедноста на европските граѓани, регионалната стабилност и меѓународниот мир“. Демаршот предупредува дека овие нарушувања не се изолирани инциденти, туку дел од поширока ескалациска кампања на Москва која трае уште од 2022 година.

„Грубото нарушување на евроатлантскиот воздушен простор и продолжените масовни руски напади врз цивилна инфраструктура во Украина ја зацврстуваат решеноста на Бугарија активно да учествува во заедничките акции на НАТО и ЕУ за одбрана и безбедност на Источниот фронт,“ се наведува во документот.

Повик до Русија

Бугарија ја повика Русија веднаш да ги прекине нападите врз Украина и да се воздржи од провокации насочени кон европските држави. Воедно, официјална Софија апелира Москва да се вклучи во суштински преговори за прекин на воените дејствија, како прв чекор кон воспоставување траен и праведен мир.

Со овој чекор, Бугарија испраќа јасна порака за поддршка на своите сојузници и за заеднички одговор на заканите што произлегуваат од руските воени активности.