21 јануари 2026
• од Станча Јаќимовски
Бугарската држава ќе потпише договор за учество во истражувањето на нафта и природен гас во блокот „Хан Аспарух“ во Црно Море. На потпишувањето ќе присуствуваат премиерот во оставка Росен Жељазков и министерот за енергетика Жечо Станков.
Според договорот, државата ќе учествува преку Бугарски енергетски холдинг, кој ќе стекне 10% од правата за истражување. Проектот е оценет како клучен за диверзификација на енергетските извори и за зајакнување на енергетската безбедност на Бугарија, како и на регионот на Југоисточна Европа.
Од владата посочуваат дека ова е првпат во поновата историја државата да се вклучи како инвеститор со директен удел во правата за пребарување и истражување на нафта и гас во бугарскиот дел од Црното Море. Се очекува овој чекор да отвори ново значајно поглавје во развојот на енергетскиот сектор на земјата, со долгорочни економски и енергетски придобивки.
Ненадминливи Понуди Дневно
4.8 (10276 рецензии)
Заштедете 152.00 ден

