Бугарија се приклучи кон заедничката декларација за Ормускиот теснец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија се приклучи кон заедничката декларација за Ормускиот теснец

22 март 2026

• од Станча Јаќимовски

Министерството за надворешни работи на Бугарија соопшти дека земјата се приклучува кон заедничката декларација на повеќе европски и партнерски држави во врска со ситуацијата во Ормускиот теснец, објавена на 19 март 2026 година.

Како држава што не учествува во воените активности на САД и Израел против иранскиот режим, Бугарија ја поддржува заедничката позиција на Обединетото Кралство, Франција, Германија, Италија, Холандија, Јапонија и Канада.

Во декларацијата се истакнува подготвеноста на земјите потписнички да придонесат кон обезбедување слободна и безбедна пловидба низ Ормускиот теснец, како и да преземат мерки за стабилизирање на енергетските пазари.

Од бугарското МНР нагласуваат дека се приклучуваат кон осудата на неодамнешните напади врз невооружени трговски бродови во Персискиот Залив, како и врз цивилна инфраструктура, вклучително и нафтени и гасни објекти. Овие дејствија, според нив, практично доведоа до затворање на теснецот.

Во соопштението се изразува длабока загриженост за ескалацијата на конфликтот, со повик за прекин на поставување мини и други активности што го попречуваат слободниот трговски сообраќај низ Ормускиот теснец.

„Безбедноста на морските патишта и слободата на пловидба се од корист за сите земји, вклучително и за Република Бугарија“, се наведува во позицијата.

Бугарија исто така ја поздравува подготвеноста на сојузничките држави да преземат конкретни мерки за обезбедување сигурен поморски сообраќај, како и одлуката на Меѓународната агенција за енергетика да интервенира со ослободување на стратешки резерви на нафта и други механизми за стабилизација на пазарите.