Бугарија извезла оружје во вредност од 6.5 милијарди евра од почетокот на војната во Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија извезла оружје во вредност од 6.5 милијарди евра од почетокот на војната во Украина

08 септември 2025

• од Гоце Кически

Бугарската воена индустрија бележи невиден подем од 2022 година, со извоз на вооружување во вредност од над 6.5 милијарди евра од почетокот на војната во Украина. Секторот веќе учествува со повеќе од 4% во бруто домашниот производ (БДП), што ја прави одбранбената индустрија еден од клучните двигатели на економскиот раст на земјата, пренесува бТВ.

Министерот за економија Петар Дилов нагласи дека производството на муниција и вооружување се претвора во сè поважен столб на бугарската економија. Според него, Бугарија денес игра значајна улога во процесот на зајакнување на европската одбрана.

Особено впечатлив е примерот на државното претпријатие ВМЗ–Сопот. Додека во 2021 година компанијата остварила приходи од 191 милион лева, минатата година продажбите достигнале 900 милиони лева, со јасна тенденција на натамошен раст.

„Како што предвидувавме, во 2025 година беше надмината психолошката граница од 1 милијарда лева приходи. Во ВМЗ моментално работат околу 5000 луѓе, а само во изминатата година бројот на вработени се зголеми за близу 350“, изјави министерот Дилов.

Со овие резултати, бугарската одбранбена индустрија не само што обезбедува силен економски придонес, туку и се позиционира како значаен фактор во европската безбедност.