Бугарија ја потврди поддршката за европската интеграција на Албанија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ја потврди поддршката за европската интеграција на Албанија

17 август 2025

• од Станча Јаќимовски

Бугарија останува силен поддржувач на Албанија во процесот на нејзината интеграција во Европската унија. „Ќе бидеме ангажирани со поддршка кон албанската страна во секој аспект од нивната европска интеграција“, изјави претседателката на 51-то Народно собрание на Бугарија, доц. Наталија Киселова, на заеднички брифинг со претседателката на албанскиот парламент, Елиса Спиропали.

Поддршка потврдена повеќепати

Киселова потсети дека ова не е прва изјава од ваков вид. Таа пред околу две недели, за време на својата посета во Тирана, даде слично уверување дека Бугарија цврсто застанува зад европските аспирации на Албанија.

Во своето обраќање таа истакна дека Албанија е „шампион во европската интеграција“, бидејќи досега има отворено 24 од вкупно 31 преговарачка глава и амбиција до крајот на годината да ги отвори сите. „Ставот на бугарската држава е дека секоја земја која сака да стане членка на ЕУ треба да ги има сопствените достигнувања во интеграцијата, исполнувајќи ги Копенхашките критериуми“, додаде Киселова.

Посета на албанската делегација во Софија

Елиса Спиропали престојува во официјална посета на Бугарија по покана на Киселова. На доаѓањето таа беше пречекана од претседателот на Групата за пријателство со Албанија во бугарскиот парламент, Христо Терзиски. Во рамките на агендата, Спиропали имаше средби и со други претставници на власта, а по брифингот ја посети и пленарната сала.

Историски и стратешки односи

Претседателката на албанскиот парламент нагласи дека нејзината посета во Софија доаѓа кратко време по патувањето на Киселова во Тирана, кога Бугарија го презеде претседателството со Процесот за соработка во Југоисточна Европа.

„Нашите две земји историски имаат многу добри односи, но тоа не е само минато – тоа е и перспектива. Соработката не е само на билатерално ниво, туку и во рамките на НАТО и ЕУ“, изјави Спиропали.