Борисов со порака до С. Македонија: Секогаш ќе имате искрен партнер во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Борисов со порака до С. Македонија: Секогаш ќе имате искрен партнер во Бугарија

10 јули 2025

• од Станча Јаќимовски

Лидерот на бугарската партија ГЕРБ, Бојко Борисов, излезе со силна порака за обединетост и добрососедство, по одлуката на Европскиот парламент да ги отфрли сите текстови поврзани со „македонскиот идентитет и јазик“ од извештајот за напредокот на Северна Македонија, изготвен од европратеникот Томас Вајц.

„Ова е јасен знак дека кога Бугарија е обединета – кога сите наши европратеници, институции и политички сили дејствуваат заедно – можеме да постигнуваме резултати и да ги браниме националните интереси на највисоко ниво во Европа“, изјави Борисов, пренесе БГНЕС.

Тој упати посебна благодарност до европратеникот Андреј Ковачев и до Европската народна партија, истакнувајќи ја нивната поддршка и улога во заштитата на бугарските позиции во европските институции.

Борисов потенцираше дека во последните недели водел бројни разговори со европски лидери и претставници на главните политички семејства во Европската унија, објаснувајќи дека европските документи не треба да бидат платформа за националистичка реторика, туку алатка за вистината и добрососедските односи.

„Среќен сум што гласот на Бугарија беше слушнат“, истакна тој, повторувајќи ја својата подготвеност за соработка со Скопје.

„Повторно ја подавам раката кон нашите пријатели во Северна Македонија – да одиме заедно напред, врз основа на почитта и исполнувањето на Договорот за пријателство и добрососедство. Во мое лице и во лицето на Бугарија секогаш ќе имаат искрен и близок партнер“, заврши Борисов.