Амазонските племиња излегоа на протест, Македонците не

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Амазонските племиња излегоа на протест, Македонците не

15 ноември 2025

• од Станча Јаќимовски

Околу стотина демонстранти денеска го блокираа главниот влез на зградата во која се одржува Конференцијата на ОН за климата (КОП30) во амазонскиот град Белем. Протестот, предводен од активисти облечени како домородци, беше организиран како реакција на, според нив, недоволната акција во заштитата на Амазон и климатската политика.

Армијата беше распоредена околу зградата и ги спречи демонстрантите да влезат внатре, но инциденти не беа забележани. Делегатите на конференцијата беа пренасочени кон алтернативен влез за да може настанот да продолжи без прекин.

Ова е втор протест за само четири дена, иако организаторите на КОП30 претходно истакнаа дека конференцијата им оддава посебна почит на домородните заедници и нивната улога во зачувувањето на Амазон. Сепак, активистите сметаат дека симболичната поддршка не е доволна без реални, конкретни мерки.

Само два дена претходно, група домородци успеа да влезе во објектот каде се одржува самитот, при што дојде до краток судир со обезбедувањето. Тие повторно упатија барања за поагресивна климатска акција, поголема заштита на шумите и гаранции за нивните територии, кои сè почесто се под закана од нелегална сеча, рударство и пожари.

Протестите во Белем се потсетник дека домородните народи се меѓу најзасегнатите од климатските промени, но истовремено и меѓу најгласните во борбата за заштита на природата – борба која, како што демонстрантите нагласуваат, не смее да остане игнорирана.