Албанија забрзано чекори кон ЕУ: Отворен кластер 4 „Зелена агенда и одржлива поврзаност“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Албанија забрзано чекори кон ЕУ: Отворен кластер 4 „Зелена агенда и одржлива поврзаност“

17 септември 2025

• од Тодор Вангелов

На Шестата меѓувладина конференција за пристапување со Албанија официјално беа отворени преговорите за кластерот 4: „Зелена агенда и одржлива поврзаност“. Овој кластер опфаќа клучни области како транспорт и енергетика, трансевропски мрежи, како и политики за животна средина и климатски промени.

„Проширувањето е врвна геополитичка потреба за Европската Унија. Задоволна сум што денес направивме нов чекор со Албанија. Ова е јасен доказ за европскиот пат на земјата. Очекувам уште состаноци во наредните месеци со Албанија и со другите кандидатки за да ја придвижиме агендата за проширување,“ изјави Мари Бјере, министерка за европски прашања на Данска, која ја предводеше делегацијата на ЕУ.

Отворањето на кластерот 4 доаѓа по серијата динамични состаноци со Албанија во изминатата година: кластерот 1 „Фундаментали“ беше отворен на 15 октомври 2024, кластерот 6 „Надворешни односи“ на 17 декември 2024, кластерот 2 „Внатрешен пазар“ на 14 април 2025, а кластерот 3 „Конкурентност и инклузивен раст“ на 22 мај 2025.

Овој интензивен ритам покажува дека Албанија се интегрира со забрзано темпо, исполнувајќи ги европските стандарди и чекор по чекор приближувајќи се кон целосно членство. Мониторингот на усогласувањето со европското право и политиките ќе продолжи низ целиот процес, а поставени се и јасни мерила за привремено затворање на поглавјата.

На конференцијата, покрај министерката Бјере, учествуваше и еврокомесарката за проширување Марта Кош, додека албанската делегација ја предводеше премиерот Еди Рама.

Со денешниот чекор, Албанија испраќа јасна порака: земјата е решена да стане дел од европското семејство и тоа со темпо кое изненадува дури и во Брисел.