Шкупи со реакција: „Имаме писмено одобрение од Струмица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Шкупи со реакција: „Имаме писмено одобрение од Струмица – правдата ќе ја бараме на суд“

17 август 2025

• од Станча Јаќимовски

Уште во второто коло од новата сезона во Првата македонска фудбалска лига беше регистрирана службена победа. Наместо на терен, екипата на Силекс трите бода ги доби зад зелениот стол, откако ФК Шкупи не успеа да обезбеди стадион за одигрување на натпреварот.

Причината – недостиг на услови на Чаир

Стадионот во Чаир моментално не ги исполнува потребните услови за одигрување натпревари од ПМФЛ, пред сè поради обврската за имплементација на ВАР-технологијата. Бидејќи раководството на Шкупи не успеа да обезбеди алтернативен терен за мечот со Силекс, Фудбалската федерација на Македонија (ФФМ) го регистрира натпреварот со службен резултат 0-3 во корист на кратовскиот тим.

Реакцијата на Шкупи

Незадоволството кај навивачите на некогашниот шампион е големо, а клубот преку соопштение до јавноста изнесе сериозни обвинувања и најави правна борба.

„Сакаме да им се извиниме на сите наши фанови за непријатностите и јасно да ја објасниме ситуацијата,“ стои во реакцијата на Шкупи, во која клубот наведува:

Постигнал договор со сопствениците на стадионот во Струмица и добил писмено одобрение за одигрување на натпреварот таму.
Веднаш потоа ја известил ФФМ, по што натпреварот бил регистриран и потврден во системот.
Но, во последен момент, сопствениците на струмичкиот стадион го повлекле одобрението, создавајќи проблем за клубот.

Поради ова, Шкупи најавува дека правдата ќе ја бара на суд и ќе ги следи сите законски процедури.

Планови за следните натпревари

Од клубот дополнително соопштија дека на стадионот во Чаир веќе започнале работите за поставување на ВАР-системот. Според најавите, следниот домашен натпревар ќе биде одигран пред нивните навивачи во Скопје.