Шкупи: Ќе ги тужиме струмичани, нѐ изиграа за стадионот!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Шкупи: Ќе ги тужиме струмичани, нѐ изиграа за стадионот!

17 август 2025

• од Станча Јаќимовски

Фудбалскиот клуб Шкупи повторно се најде во центарот на вниманието, овој пат поради недоиграниот меч со Силекс, кој беше откажан затоа што чаирчани немаа стадион што ги исполнува стандардите на ФФМ.

Одлука на ФФМ

Од Фудбалската федерација на Македонија вчера соопштија дека средбата меѓу Шкупи и Силекс нема да се одигра, а дополнително ќе се донесе одлука за казната која ќе го снајде клубот од Чаир.

Обвинувањата на Конјали

Претседателот на Шкупи, Јасин Конјали, денеска излезе со официјално соопштение во кое вината ја префрли на сопственикот на стадионот во Струмица. Според него, најпрво била дадена писмена дозвола мечот да се игра во Струмица, а дури и ФФМ го потврдила терминот. Сепак, во последен момент, домаќините ја откажале согласноста.

„Прво, сакам да им се извинам на навивачите за непријатностите. Имавме договор и писмена дозвола од Струмица, но во последен момент таа беше поништена, што создаде огромен проблем за клубот,“ истакна Конјали. Тој додаде дека ќе покрене тужба против сопственикот на стадионот.

ВАР систем и натамошни планови

Првиот човек на клубот најави дека во Чаир е во тек инсталацијата на ВАР систем, по што планираат таму да го одиграат следниот натпревар како домаќини.

Воедно, Конјали изрази незадоволство од односот на останатите клубови во Првата лига, кои – како што вели – не покажале никаква солидарност во тешките моменти за Шкупи.