Пукна тиквата во Вардар: Поделби, неисплатени плати и клуб на работ на штрајк

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Пукна тиквата во Вардар: Поделби, неисплатени плати и клуб на работ на штрајк

10 април 2026

• од Вардарски

Актуелната состојба во Вардар кулминираше со сериозен внатрешен конфликт кој излезе на површина по ремито со Пелистер во Битола. Синоќешниот блед настап на „црвено-црните“ не бил случаен, туку последица на тензии што веќе извесно време тлеат во соблекувалната.

Според информации од извори блиски до тимот, непосредно пред натпреварот, играчите дознале дека заостанатите плати и премии – кои доцнат веќе три месеци – биле исплатени само на аргентинските фудбалери. Ова предизвикало силно незадоволство кај останатиот дел од тимот, кој се чувствува дискриминиран и понижен.

Негодувањето било толку сериозно што дел од играчите размислувале да го бојкотираат натпреварот со Пелистер. Атмосферата во екипата била на работ на ескалација, а видливата нервоза на теренот била директна рефлексија на случувањата зад сцената. Само интервенцијата на тренерот Гоце Седлоски спречила целосен бојкот, убедувајќи ги фудбалерите да излезат на терен.

Но, тоа очигледно било само привремено решение.

Системска неправда и поделби во соблекувалната

Најголемиот проблем не е само финансискиот долг, туку начинот на кој тој се менаџира. Исплатата на платите селективно – само за одредена група играчи – создаде длабока поделба во тимот. Аргентинските фудбалери, несвесни за состојбата кај останатите, дури и се пофалиле дека им е сè исплатено, што дополнително ја влошило ситуацијата.

Ваквиот потег испраќа опасна порака: дека во Вардар постојат „привилегирани“ и „занемарени“. Тоа не само што го руши тимскиот дух, туку ја разградува основната структура на еден професионален колектив.

Дополнително, според неофицијални информации, ситуацијата ескалирала до степен каде што играчите се делат на групи – едни блиски до управата, други заштитени, а трети санкционирани затоа што ги бараат своите права. Пред мечот со Шкендија, дел од фудбалерите биле казнети со по 2.500 евра, не поради дисциплински прекршок, туку поради инсистирање на исплата на заостанатите примања.

Улогата на управата под знак прашалник

Во вакви услови, логично се поставуваат прашања за одговорноста на раководните структури. Особено се споменува улогата на Миленко Неделковски – кој носи одлуки, кој ги креира овие политики и кој дозволува ваква деструктивна атмосфера?

Недостигот на транспарентност и целосниот молк од управата само ја продлабочуваат кризата. Наместо јасна хиерархија и стратегија, клубот функционира во хаотичен режим, каде што одлуките се носат без конзистентност и без чувство за правичност.

Проблемите имаат подлабоки корени

Иако кризата сега ескалира, нејзините корени се подлабоки. Подготовките во Анталија, за кои биле потрошени значителни средства, биле лошо организирани, со случаи каде што играчи биле оттурнувани од тренинг-терени. Тоа укажува дека нефункционалноста не е нова, туку само кулминирала во последниот период.

Клуб на работ на колапс

Вардар не се соочува само со резултатска криза, туку со системски распад. Кога играчите се принудени да избираат страни, да калкулираат кому да веруваат и да се борат за основни права, фокусот на фудбалот исчезнува.

Најголемата штета не се бодовите, туку загубената доверба – меѓу играчите, кон управата и кон целиот систем. А довербата, кога еднаш ќе се наруши, тешко се обновува.

Доколку итно не се преземе одговорност и не се воспостави ред, следниот чекор е јасен – целосен колапс на клубот кој некогаш беше симбол на македонскиот фудбал.