Македонија елиминирана од битката за СП 2027 по пораз во Орадеа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Македонија елиминирана од битката за СП 2027 по пораз во Орадеа

13 август 2025

• од Станча Јаќимовски

Кошаркарската репрезентација на Македонија го запиша и третиот пораз во претквалификациите за Светското првенство 2027, овојпат на гостувањето во Орадеа против селекцијата на Романија со 79-66. Со овој резултат, „црвено-жолтите“ и теоретски ги загубија шансите за пласман во следната рунда, а преостанатиот меч против Унгарија дома ќе има само ревијален карактер. Единствено сценарио што би можело да го продолжи македонскиот пат кон СП е победа над Унгарците со најмалку 39 поени разлика и истовремено триумф на Романија над истиот ривал – ситуација која останува во доменот на „лудата теорија“.

Променет состав, но ист исход

Селекторот Марјан Илиевски направи две измени во стартниот состав – шанса за настап добија Миловановиќ и Василевски, кои за првпат имаа позначајна улога во сениорскиот тим. Поради повреда од составот отпадна Мекиќ. Натпреварот започна израмнето, со резултат 11-11, но потоа домаќините фатија ритам и направија серија за водство од 19-11, а првата четвртина ја завршија со 26-19.

Романија го држеше темпото

Во вториот период, Македонија постојано бркаше негатива, но без реална закана за пресврт. Неколку прецизни и тешки шутеви на Романците пред полувремето им обезбедија двоцифрена предност (45-34), која ја одржуваа и во третата четвртина. Најголемото приближување на нашата селекција беше во четвртиот период, кога резултатот се намали на 64-61, но серијата тројки на домаќините ја запечатија нивната победа.

Индивидуални постигнувања

Најдобар стрелец за Македонија беше Џејкоб Вајли со 19 поени и девет скока, а Андреј Магдевски додаде 15 поени. Двоцифрен ефект имаше и Андреј Митревски со 11 поени. Кај Романија, Стефан Грашу блесна со 20 поени.