Башкими и Кожуф пред исфрлање во најнизок ранг поради местенка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Башкими и Кожуф пред исфрлање во најнизок ранг поради местенка

16 август 2025

• од Станча Јаќимовски

Фудбалскиот клуб Башкими (прволигаш) и Кожуф (второлигаш) се соочуваат со историски санкции и можно исфрлање во најнизок ранг, откако Министерството за внатрешни работи (МВР) официјално потврди дека нивниот меѓусебен натпревар од крајот на минатата сезона бил местен. Кумановци тогаш во Гевгелија победија со 2-1, а истрагата открила сериозни неправилности.

Полиција и пријави против седум лица

МВР соопшти дека се поднесени кривични пријави против седум лица – претседателот и еден фудбалер на Башкими, спортскиот директор, тројца фудбалери и тренерот на Кожуф. Ова укажува дека случајот е далеку посериозен од индивидуални прекршувања и дека во местенката биле вклучени клучни фигури од двата клуба.

Дисциплински мерки на ФФМ

Според Дисциплинскиот правилник на ФФМ, за вакви прекршоци следуваат одземање од 3 до 9 бодови, високи парични казни, а со оглед на тежината на случајот и бројот на инволвирани лица, можно е двата клуба да бидат испратени во најнискиот ранг на натпреварувањето.

„Очекуваме целосни извештаи од официјалните лица. Нема да има заштитени – секој кој го нарушил интегритетот на натпреварувањето ќе одговара. Нашата цел е јасна: фудбал без дамка и резултати што се решаваат на терен, а не зад кулисите,“ порачаа од ФФМ, додавајќи дека ќе преземат ригорозни мерки за враќање на довербата во македонскиот фудбал.

Министерството за спорт најавува дополнителни санкции

Паралелно со ФФМ, и Министерството за спорт најави дека доколку се потврдат сомнежите, двата клуба ќе останат и без лиценца за спортска дејност. „Ќе ги почекаме извештаите, а потоа ќе постапиме по итна постапка,“ изјави министерот Борко Ристовски.

Актуелна состојба

Башкими сезонава ја започна во Првата лига и во првото коло одигра реми со Арсими, додека Кожуф допрва треба да настапи во Втората лига. Но, неизвесноста околу санкциите сериозно ја доведува во прашање нивната иднина во организираниот фудбал под капата на ФФМ.