Жители на Серава два дена без струја ја блокираа „Пластичарска“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жители на Серава два дена без струја ја блокираа „Пластичарска“

24 декември 2025

• од Станча Јаќимовски

Жителите на населбата Серава во скопската општина Чаир веќе два дена се без електрична енергија поради дефект на мрежата, за кој тврдат дека не е навремено саниран од страна на ЕВН Хоум. Поради тоа, денеска тие излегоа на протест и ја блокираа улицата „Пластичарска“ во време на сообраќаен шпиц, барајќи итно воспоставување на снабдувањето со струја, објави Телевизија 21.

Стотици граѓани кои учествуваа во блокадата порачаа дека нема да се повлечат сè додека дефектот не биде целосно саниран. Дел од нив изразија сомнеж дека проблемот намерно не се решава, со што, како што велат, жителите се оставени без струја во студени ноќи и во пресрет на празниците.

„Има луѓе кои се парализирани, деца што се тресат цела ноќ. Има и лица што користат кислородни апарати кои зависат од струја. Мора некако да преживеат. Во Серава, Гази Баба и кај Пластичарска има околу 300 домаќинства. Луѓето плаќаат огромни сметки, по над 1.200 евра“, изјави еден од демонстрантите.

Од ЕВН информираат дека дефектот постои уште од неделата и дека во моментов не може да се прецизира кога ќе биде целосно отстранет. Како причина, од компанијата наведуваат сериозни проблеми на терен.

„Подолг период, жителите на улиците ‘Исмаил Кадаре’ и ‘Кумбара’ го попречуваат проектот за реконструкција на електродистрибутивната мрежа и преместување на броилата. Нашите екипи континуирано се соочуваат со вербални закани, што го оневозможува нормалното функционирање“, соопштуваат од ЕВН Хоум.

Од компанијата предупредуваат дека без целосен пристап до теренот и реализација на проектот за реконструкција на нисконапонската мрежа, дефектите ќе продолжат да се појавуваат. Според нив, проблемите се резултат на пренатрупаност на мрежата поради голем број диви приклучоци.

ЕВН наведува дека во овој регион загубите на електрична енергија надминуваат 70 проценти, додека наплатата изнесува околу 60 проценти од вкупната потрошувачка, што, како што велат, дополнително го отежнува одржувањето на стабилно снабдување со струја.