ЗАГЛАВЕНИ ВО РАСТОПЕН ШЕЌЕР – ХРАБРИТЕ ПОЖАРНИКАРИ СО ИЗГОРЕНИЦИ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЗАГЛАВЕНИ ВО РАСТОПЕН ШЕЌЕР – ХРАБРИТЕ ПОЖАРНИКАРИ СО ИЗГОРЕНИЦИ

07 септември 2025

• од Станча Јаќимовски

Пожарот кој вечерва избувна во фабриката за слатки „Винчини“ во Виница е ставен под целосна контрола, информираше директорот на Дирекцијата за заштита и спасување, Стојанче Ангелов.

Штетата и интервенцијата

Според Ангелов, опожарени се три производни линии – број 6, 7 и 8, од кои две се магацини. Сите тие линии имале поставени соларни панели на покривите. Благодарение на брзата интервенција, спасени се производствените линии од 1 до 5.

Во гаснењето учествувале противпожарни единици од повеќе градови: Виница, Македонска Каменица, Делчево, Кочани, Пробиштип, Штип, Струмица, Кавадарци и Велес.

Повредени пожарникари

За жал, неколку пожарникари се здобиле со повреди при интервенцијата. Тие добиле изгореници на стапалата откако останале заглавени во растопен шеќер во еден од погонот. Во обид да се ослободат, чизмите им останале во врелиот шеќер, што довело до повредите.

Пожар и во Делчево

Покрај пожарот во Виница, вечерва избувна уште еден голем пожар во Делчево. Станува збор за шумски пожар на падините на планината Голак, во близина на градските гробишта. Пожарот зафатил и борова шума, а гаснењето е особено тешко поради тоа што се одвива ноќе.

„Во текот на ноќта се оди главно на сопирање на огнот преку патишта и чистини, бидејќи условите се ризични за директна интервенција“, изјави Ангелов.

Утре наутро во гаснењето ќе бидат вклучени полициски хеликоптери, а по потреба и авионите „ер трактор“. На терен веќе се распоредени повеќе екипи.