22 февруари 2026
• од Станча Јаќимовски
Административците од Генералниот секретаријат на Влада на Република Северна Македонија ќе заминат на тридневни тим-билдинзи во Охрид, Берово и Струмица, за што се предвидени околу 80.000 евра од буџетот.
Според огласот објавен на веб-страницата за јавни набавки, Генерален секретаријат на Владата бара хотели со најмалку четири ѕвездички, кои ќе обезбедат по два полни пансиона за вработените, како и високотуристички автобуси за организиран превоз од „Илинденска“ до избраните дестинации. Предвидено е сместувањето да биде во еднокреветни соби.
Проценетата вредност на јавната набавка изнесува 5.000.000 денари, односно приближно 80.000 евра. Крајниот рок за доставување понуди од заинтересираните хотелиери и автобуски превозници е 4 март, а како единствен критериум за избор е наведена најниската понудена цена.
Според описот во јавниот повик, тим-билдингот е наменет за активности поврзани со канцелариско работење, односи со јавноста и други административни задачи. Планирано е учество на седум групи од Генералниот секретаријат, при што секоја група ќе брои меѓу 15 и 25 вработени.
Романија се восхитува на Бугарија за новиот научен проект – за што станува збор?
Ненадминливи Понуди Дневно
4.8 (10276 рецензии)
Заштедете 152.00 ден

