Вработените на Урологија се откажаа од надоместоци за да купат клими и машини за перење

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Вработените на Урологија се откажаа од надоместоци за да купат клими и машини за перење

13 август 2025

• од Станча Јаќимовски

Универзитетската клиника за урологија денеска ја промовираше целосно реновираната болничка инфраструктура, со инвестиција вредна 300.000 евра. Од оваа сума, 100.000 евра се обезбедени од фондовската сметка, 100.000 евра преку донации, а останатите 100.000 евра од сопствени средства на Клиниката, соопшти Министерството за здравство.

Реновираното одделение е трансформирано во современи болнички соби, уредени како апартмани. Секоја соба е опремена со нови болнички кревети, ЛЦД телевизори, модерни тоалети, клима-уреди и бактериолошки прочистувачи на воздух. Климатизацијата, како што се наведува, значително ќе ги подобри условите за престој на пациентите, особено во топлите летни месеци.

И покрај големата инвестиција, за целосно опремување на одделението недостасувале 8.000 евра за набавка на 18 клима-уреди и две машини за перење. Вработените на Клиниката решиле да се откажат од субвенциите за службени мобилни телефони, во вредност од 500.000 денари (околу 8.000 евра), за со тие средства да се купи потребната опрема. Раководството на Урологија го оцени овој гест како пример за вистинска посветеност на доброто на пациентите.

– За нас, овој проект не е само реновирање на болнички ѕидови – ова е реновирање на системот, на вредностите, на односот кон пациентите и професионалноста во здравството. Посветени сме да создадеме Клиника која нуди достоинствен престој, современо лекување и човечка грижа. Благодарен сум на целиот тим што застанавме зад овие промени, со заедничка посветеност. За помалку од една година, Клиниката за урологија стана пример како со тимска работа и со вистински вредности може да се создаде модерен и ефикасен здравствен систем, достапен тука, дома – изјави директорот на Урологија, д-р Башким Шабани.