Владата прогласи кризна состојба од 30 дена поради пожарите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Владата прогласи кризна состојба од 30 дена поради пожарите

08 јули 2025

• од Станча Јаќимовски

Поради зголемениот број и интензитет на пожари низ целата земја, Владата донесе одлука за прогласување кризна состојба во траење од 30 дена на целата територија на државата. Оваа мерка, според надлежните, има за цел да обезбеди побрза и поефикасна координација на сите институции и ресурси во справување со пожарите и заштита на населението.

Одлуката е донесена врз основа на денешната седница на Управувачкиот комитет за координација и управување со системот за кризи, информираше портпаролката на Владата, Марија Митева, на попладневната прес-конференција.

– Ова на терен значи интегрирано и координирано дејствување на сите релевантни институции – Армијата, полицијата, противпожарните единици, Центарот за управување со кризи, Дирекцијата за заштита и спасување и локалните самоуправи. Ќе се мобилизираат сите расположливи ресурси – човечки, технички и логистички – со цел ефикасно справување со пожарите и заштита на граѓаните, изјави Митева.

Таа додаде дека Владата ќе обезбеди помош за сите засегнати региони, со фокус на превенција од понатамошни штети и обезбедување на безбедност за жителите и имотот.

Митева упати апел до граѓаните да бидат максимално внимателни, да се придржуваат до сите препораки и забрани и да пријавуваат пожари или сомнителни активности во најкус можен рок.

Прогласувањето на кризна состојба овозможува побрза интервенција, поголема мобилизација на сили и олеснување на административните постапки, со што се очекува ефикасно управување со кризата и намалување на ризиците по населението и природата.