Виктор Стојанов – херој од Бугарија кој со срце за Кочани собра над 1.300 евра
Фондацијата Македонија започна нова хуманитарна акција за прибирање парични донации со цел да им се помогне на настраданите од неодамнешната трагедија во Кочани. Откако успешно мобилизираше десетици доброволци од Бугарија за дарување крв, фондацијата сега ја продолжува својата мисија со финансиска поддршка за најпогодените семејства.
Од Фондацијата информираат дека досега се собрани над 1.300 евра, сума која ќе биде искористена за итна медицинска помош, набавка на основни потреби и обнова на оштетените домови.
„Солидарноста не познава граници. Благодарни сме на сите луѓе со големо срце кои веднаш се одзваа на повикот за помош. Продолжуваме заедно, рамо до рамо со нашите браќа и сестри од Кочани,“ велат од Фондацијата Македонија.
Акцијата продолжува, а сите кои сакаат да донираат можат да се информираат преку официјалните страници на Фондацијата на социјалните мрежи и нејзината веб-страница.