Видевски, осуден за убиствата на Вања и Панче во критична состојба хоспитализиран на клиниката за Нефрологија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Видевски, осуден за убиствата на Вања и Панче во критична состојба хоспитализиран на клиниката за Нефрологија

08 април 2026

• од Станча Јаќимовски

Боре Видевски, еден од осудените во случајот со убиствата на 14-годишната Вања Ѓорчевска од Скопје и 74-годишниот Панче Жежовски од Велес, е хоспитализиран во тешка здравствена состојба.

Според информации до кои дојде Инфомакс, Видевски синоќа бил примен на Клиниката за нефрологија, каде што се наоѓа во критична состојба и под медицински надзор.

Видевски е еден од четворицата обвинети кои добија првостепена доживотна затворска казна за грабнувањето и убиството на Вања Ѓорчевска и Панче Жежовски. Покрај него, осудени се и Љупчо Палевски – Палчо, Велибор Манев и Влатко Кешишев.

За утре е закажана јавна седница по жалбите на одбраната во врска со изречените доживотни казни од страна на Кривичниот суд. Сепак, поради влошената здравствена состојба и хоспитализацијата на Видевски, постои можност седницата да биде одложена.

Инаку, Видевски, кој во јавноста беше познат и како каратист, за време на судскиот процес ја негираше вината за делата што му се ставаат на товар, вклучувајќи здружување, грабнување и убиство.

Случајот со Вања Ѓорчевска и Панче Жежовски ја потресе јавноста во ноември 2023 година, кога двајцата беа пријавени како исчезнати, а подоцна и пронајдени мртви.

Во истиот предмет, таткото на Вања, Александар Ѓорчевски, кој исто така беше меѓу обвинетите, доби ослободителна пресуда.