Вардариште трети ден чади и труе – жителите излегуваат на протест

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Вардариште трети ден чади и труе – жителите излегуваат на протест

03 септември 2025

• од Станча Јаќимовски

Депонијата „Вардариште“, зафатена од голем пожар изминатиот викенд, и денеска продолжува да чади. Уште од рано утрово, граѓаните на Аеродром и Гази Баба се гушеа во густите, отровни испарувања што се шират од старата депонија. Состојбата трае веќе трет ден, а загриженоста меѓу населението расте, што го потврдуваат и фотографии и видеа објавени од жители на социјалните мрежи.

Најавен протест

Како реакција на оваа еколошка катастрофа, за денеска е закажан протест. Граѓаните се повикани да се соберат на 3 септември 2025 година, во 18 часот, на раскрсницата на булевар АСНОМ со булевар Србија. „Дојдете да покажеме колку сме!“, апелираше еден жител преку граѓанска група на „Фејсбук“.

Децениски проблем без решение

Иако веќе со децении се бара трајно решение за „Вардариште“, депонијата и понатаму останува извор на загадување. Последниот пожар го стави просторот под лупа на инспекцијата и полицијата, но и во центар на вниманието на актуелните функционери и кандидатите за градоначалници, кои вчера ја посетија локацијата со нови ветувања.

Секојдневни протести до конечно решение

Жителите на Ново Лисиче и Аеродром најавуваат дека нема да застанат со граѓанскиот отпор. Тие ќе продолжат секојдневно да излегуваат на улица сè додека не се најде итно и трајно решение за депонијата, која за нив е симбол на негрижа и политички манипулации.