Три месеци без плата: Инспекторатот за јазиците оставен без институционална грижа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Три месеци без плата: Инспекторатот за јазиците оставен без институционална грижа

31 јули 2025

• од Станча Јаќимовски

Три месеци – толку долго вработените во Инспекторатот за употреба на јазиците живеат без плата. Судбините на семејства се разнишани, егзистенцијата е доведена под знак прашалник, а државата – немоќна, неефикасна и незаинтересирана. Секојдневниот труд на инспекторите, кои треба да гарантираат правична употреба на јазиците во државата, останува неисплатен, а нивниот глас сè погласен – и сè повеќе игнориран.

Хаосот започна во декември минатата година со измените на Законот за инспекциски надзор. Со него сите инспекторати, вклучително и оној за употреба на јазиците, останаа без правен статус и беа ставени под ингеренција на министерствата. Но, за Инспекторатот за јазиците, ваквата административна реформа се претвори во институционален кошмар.

Иако Владата уште во мај најави дека Инспекторатот ќе премине под капата на Министерството за правда, оваа промена сè уште не е спроведена во целост. Министерството, пак, одбива да ги преземе вработените со образложение дека недостасуваат законски основи, додека платите за април, мај и јуни – не се ни на повидок. Платата за јули? Таа не е ни планирана.

Во своето јавно писмо, вработените го посочија министерот Игор Филков како директно одговорен за игнорантниот однос, истакнувајќи дека дури и по усвојувањето на закон во Собранието на 24 јуни, кој го обврзува Министерството за правда да ги преземе во рок од 30 дена – ништо не е направено.

„Реакција – нула. Одговор – нула. Интерес – уште помалку“,
велат огорчено од Инспекторатот, додавајќи дека Владата и премиерот Мицкоски се целосно информирани и дека ќе ја сносат целата одговорност ако не реагираат веднаш.

Од Владата велат дека доцнењето било резултат на блокадата во Собранието од страна на ДУИ и дека исплатата ќе се изврши наредната недела. Но, дали вработените имаат причина да веруваат во уште едно владино ветување, по месеци неисполнети зборови?

Проблемот, се вели, е административно-правен. Инспекторатот има неусогласени законски основи – едно важи според Законот за Инспекторатот, друго според Законот за државна управа. Резултатот? Целиот орган е во правен вакуум, а животите на луѓето – во замрзнат режим.

И покрај неодамнешното одобрување на законски измени во Собранието, кои би требало конечно да го решат статусот и финансирањето на Инспекторатот, штетата е веќе направена. Довербата е нарушена, животите – потресени. Колку време уште треба да помине пред системот да покаже дека граѓаните не му се само бројки?

Ова не е само прашање на плати. Ова е прашање на институционална правда, на елементарна човечка грижа. Инспекторатот за употреба на јазиците постои за да се штитат јазичните права на сите граѓани. Но кој ќе ги заштити правата на тие што треба да не штитат нас?

Сега е редот на Владата да покаже дека не се работи само за декларативна поддршка на јазичната еднаквост, туку и за реална грижа за тие што го спроведуваат законот. И тоа – веднаш. Пред уште едно семејство да потоне под товарот на политичка негрижа.