Тетовчанка го уценувала швалерот: Му барала 7.000 евра за да молчи за аферата и наводното дете
Жителка на Тетово се соочува со кривична пријава поради сомнение дека во текот на последните три години го уценувала својот поранешен љубовник.
Секторот за внатрешни работи Тетово поднесе пријава против 51-годишната С.М. од Тетово, осомничена за кривично дело „уцена“. Според истрагата, таа од својот поранешен вонбрачен партнер побарала 7.000 евра, заканувајќи се дека, доколку не ѝ ги исплати, ќе ја извести неговата сопруга за нивната тајна врска, како и за дете за кое тврдела дека е негово.
Наводната уцена траела подолг период, при што пријавената постојано вршела притисок врз мажот, користејќи го стравот од семејна криза како средство за добивање пари.
Случајот е пријавен во СВР Тетово, а надлежните органи продолжуваат со истрагата за целосно расчистување на околностите.