16 декември 2025
• од Станча Јаќимовски
Студентите на Универзитетот во Тетово, односно од Катедрата за информатика при Факултетот за математичко-природни науки (ФМПН), Gent Kurtishi, Endrit Zejneli, Arton Useini и Eldar Mustafa, го освоија првото место на националниот натпревар MKSafeNet Innovators 2025. Хакатонот се одржа во Институтот „Макс ван дер Штул“ при Универзитетот „Св. Кирил и Методиј“ во Скопје (УЕЈЛ), под менторство на проф. д-р Фестим Халили, професор на истата катедра.
Во рамки на овој престижен хакатон, тимот на Универзитетот во Тетово реализираше едукативна демонстрација во живо, при што на практичен начин беше прикажано како личните податоци можат да бидат компромитирани преку користење јавни Wi-Fi мрежи. Презентацијата понуди јасен и конкретен увид во реалните ризици од кибер-напади, најчестите форми на вакви закани, како и ефективните методи за заштита што треба да ги применуваат и индивидуалните корисници и институциите.
На натпреварот учествуваа врвни студенти од реномирани факултети и универзитети во земјата, меѓу кои ФИНКИ и УЕЈЛ, како и други високообразовни институции. Проектите беа оценувани од стручен жири, предводено од проф. д-р Иван Чорбев, поранешен декан на ФИНКИ, што овој успех го прави уште позначаен за Универзитетот во Тетово. Победничкиот тим ќе има можност бесплатно да ја следи кибер-академијата и да продолжи со натпреварување на европско ниво.
Ова достигнување претставува јасен доказ за посветеноста, академскиот квалитет и иновативниот потенцијал на професорите и студентите на Универзитетот во Тетово.
ОЈО Скопје отвори предмет за „Зимзоленд“: Се испитува можна општа опасност
Ненадминливи Понуди Дневно
4.8 (10276 рецензии)
Заштедете 152.00 ден

