Стојанче ќе им плаќа по пиво, тие ќе јавуваат за пожари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Стојанче ќе им плаќа по пиво, тие ќе јавуваат за пожари – нов модел за заштита и спасување

10 јули 2025

• од Станча Јаќимовски

Во услови на хроничен недостаток од транспарентност и несоодветни вложувања во системите за заштита и спасување, граѓаните сè почесто реагираат со иронија, сарказам и разочараност. Последниот повод за бран реакции на социјалните мрежи е изјава поврзана со неформален „противпожарен систем“ во кој жителите на руралните средини би добивале по едно пиво за секое навремено пријавување на пожар.

Најголемо внимание привлече саркастичната објава на корисничката Ина Многу Фина, која на духовит, но длабоко критички начин ја исмејува ситуацијата:

„По изјавите на бескрајно харизматичниот и духовит Стојанче, во кого некој гледа менаџер, ја гледам сериозноста на пристапот“, пишува таа. „Стојанче ќе им плаќал по едно пиво на селаните пред кооперации, и они наместо дронови ќе биле единица за брзо алармирање за пожари.“

Во објавата, Ина со остар сарказам ја опишува оваа стратегија како нешто што наликува на сцена од црна комедија – група мештани, „после пет пива“, забележуваат пожар во далечината и му се јавуваат на Стојанче. Тој, во визијата што таа ја насликува, пристигнува со „гранка“ да го гаси огнот.

Покрај критиката на импровизираните решенија, во текстот се упатува и сериозна забелешка за системскиот недостиг на инвестиции во противпожарна опрема. „Никој не излезе да објасни зошто не се купува опрема за пожари секоја година“, вели таа. Потенцирани се и апсурдните детали – од вадење на возила од паркинг на АРМ, преку сезонски огласи за пожарникари со ниски плати, до обуки за пилоти планирани во септември – по сезона на пожари.

Во делот што особено ја открива недовербата на јавноста во институциите, Ина укажува на контрастот помеѓу третманот на ресурсите за пожарите и расфрлањето со пари за други потреби: „Ама среќа за пратениците за трошоци и за службени коли немаме ваков проблем.“ Таа го посочува и примерот со „две месеци стара фирма“ во Битола која добила тендер од 2,5 милиони евра, со тврдење дека има 330 вработени – без фактичка проверка.

Во своето заклучување, авторката со иронија повикува на „вера“ во системот и апелира граѓаните „да им веруваат ко тие што му веруваат на народот“.

Реалноста зад сарказмот

Оваа објава не е само хумористичен осврт, туку аларм за несоодветниот однос кон противпожарната заштита. Во држава каде летните пожари се редовна појава, потребна е стратегија базирана на професионализам, обука, техничка подготвеност и транспарентно трошење на буџетските средства – не на импровизации и маркетинг изјави.

А додека стојанчетата ветуваат пиво, јавноста бара одговорност.