ССМ со барање до пратениците: Минималната плата да се зголеми на 500 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ССМ со барање до пратениците: Минималната плата да се зголеми на 500 евра

07 август 2025

• од Станча Јаќимовски

Сојузот на синдикатите на Македонија (ССМ) денеска официјално достави барање до Собранието на Република Северна Македонија за итно зголемување на минималната плата на 500 евра. Претседателот на ССМ, Слободан Трендафилов, нагласи дека ваквото барање е оправдано, потребно и засновано на реалните економски и социјални состојби во земјата, како и на споредбите со платите во земјите од регионот и Европската Унија.

„Бараме пратениците веднаш да пристапат кон законска процедура и да покажат одговорност кон работниците кои ги избрале. Со прифаќање на ова барање, од платата за месец август 2025 година, работниците во државата ќе добиваат повисока минимална плата, а со тоа ќе се зголемат и останатите плати што се поврзани со минималецот“, изјави Трендафилов.

Тој остро реагираше на односот на Владата и работодавачите, посочувајќи дека на последната седница на Економско-социјалниот совет било јасно ставено до знаење дека нема волја за покачување на минималецот. Според неговите зборови, претставниците на Владата им порачале на ССМ дека „многу бараат“ и дека работниците треба да бидат „среќни со платите што ги добиваат“.

„Се обидоа да нè искритикуваат затоа што бараме повеќе за работниците. Работодавачите, пак, тврдат дека работниците не се доволно продуктивни и дека се веќе доволно платени. Но, јасно е дека ако не обезбедиме достоинствена минимална плата, ќе продолжиме да живееме во држава каде работниците се најниско платени, а функционерите највисоко платени во регионот“, рече Трендафилов.

Иако иницијативата на ССМ за зголемување на платите во јавниот и приватниот сектор е прифатена како тема за разгледување, засега нема конкретни гаранции за реализација. ССМ најави дека до средината на август ќе одржи седница на која ќе се утврдат следните чекори, вклучително и евентуални синдикални активности.

Во моментов, околу 35.000 работници во Македонија земаат минимална плата, што според ССМ е недоволно за елементарен животен стандард. Синдикатот порачува дека е време институциите да застанат на страната на работниците и да покажат вистинска социјална одговорност.