ССМ бара минимална плата од 500 евра и зголемување на останатите плати за 6.000 денари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ССМ бара минимална плата од 500 евра и зголемување на останатите плати за 6.000 денари

29 јули 2025

• од Станча Јаќимовски

Сојузот на синдикатите на Македонија (ССМ) најавува силен ангажман за подобрување на работничките права, барајќи значително зголемување на минималната плата и дополнителни зголемувања на останатите плати. Откако доби официјално решение за репрезентативност, ССМ најави дека на утрешната седница на Економско-социјалниот совет (ЕСС) ќе го покрене прашањето за утврдување на минимална плата во износ од 500 евра, како и зголемување на сите останати плати за 6.000 денари.

Претседателот на ССМ, Слободан Трендафилов, порача дека утрешната седница претставува одлична можност Владата да покаже дека вистински се грижи за работниците.

„Очекуваме пратениците, пред распишување на локалните избори, да донесат брзи законски измени со кои минималната плата ќе се зголеми на 500 евра,“ изјави Трендафилов.

Тој потсети дека моменталната минимална плата во Македонија, која изнесува 400 евра, е пониска од минималните плати во соседните земји како Србија, Црна Гора, Босна и Херцеговина, Словенија и Хрватска. Затоа, според него, Владата мора да преземе чекори слични на оние во регионот и да им даде вистинска поддршка на работниците.

„Владите во регионот веќе обезбедуваат сериозна поддршка за работниците. Време е и нашата Влада да го направи истото,“ додаде Трендафилов.

ССМ очекува брза реакција од надлежните институции и политичка волја за подобрување на стандардот на работниците низ целата држава.