Средношколци протестираат пред СВР Тетово поради лажни дојави за бомби

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Средношколци протестираат пред СВР Тетово поради лажни дојави за бомби

15 декември 2025

• од Станча Јаќимовски

Учениците од средното училиште „Кирил Пејчиновиќ“ во Тетово денеска организираа протест пред СВР Тетово, изразувајќи незадоволство од честите лажни дојави за бомби кои, како што велат, сериозно го нарушиле текот на наставата.

Според учениците, поради континуираните дојави биле принудени да ја прекинат наставата дури осум пати по ред, што резултирало со значителна загуба на часови и нарушување на образовниот процес. Тие истакнуваат дека ваквата состојба директно им нанесува штета и негативно влијае врз нивното образование и секојдневие.

Протестирачите побараа од надлежните институции и органите за спроведување на законот да преземат итни и ефикасни мерки за да се спречат ваквите појави во иднина и да се обезбеди непречен и долгорочен тек на наставата.

„Со непродолжувањето на наставата, најголемата штета паѓа врз факторот ученик, што е неприфатливо од наша страна. Бараме од надлежните органи да преземат итни и сериозни мерки за долгорочен тек на наставата, а не за повторување на овие феномени“, изјави еден од учениците за време на протестот.

Од учениците порачуваат дека очекуваат институционална реакција и одговорност, со цел ваквите ситуации да не се повторуваат и образовниот процес да се одвива без прекини.