29 октомври 2025
• од Станча Јаќимовски
Новиот состав на Советот на Град Скопје започна со работа во атмосфера на тензии. Советниците од Демократската унија за интеграција (ДУИ) одбија да ги примат уверенијата за избор, бидејќи документите биле издадени исклучиво на македонски јазик.
Според нив, таквата постапка претставува прекршување на Законот за употреба на јазиците, кој овозможува рамноправна употреба на албанскиот јазик во институциите.
Од друга страна, останатите членови на Советот, вклучувајќи ги и новоизбраните советници од коалицијата ВЛЕН, ги примија уверенијата без приговор. Со тоа, официјално започна работата на новиот градски Совет.
Уверенијата се потпишани од Марија Мошев, претседателка на Изборната комисија на Град Скопје.
На последните избори, ДУИ и ВЛЕН освоија по шест советнички места, што ги прави меѓу клучните политички фактори во новиот состав на Советот.
Иако седницата требаше да биде чисто формална, несогласувањето околу јазичната употреба уште на старт ја отвори темата за етничките и јазичните односи во институциите на локалната самоуправа.
Ненадминливи Понуди Дневно
4.8 (10276 рецензии)
Заштедете 152.00 ден

