Синдикатите ја обвинија Владата: Не нè учете што да јадеме, подобро платете нè подобро

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Синдикатите ја обвинија Владата: Не нè учете што да јадеме, подобро платете нè подобро

30 јули 2025

• од Станча Јаќимовски

Претседателот на Сојузот на синдикатите на Македонија (ССМ), Слободан Трендафилов, остро реагираше на најавата за претставување на просечната потрошувачка кошничка на утрешната седница на Економско-социјалниот совет (ЕСС). На денешната прес-конференција, тој упати сериозни критики кон Владата, посочувајќи дека наместо да се занимава со тоа што треба граѓаните да јадат и пијат, треба да обезбеди пристојни услови за живот и достоинствени плати.

„Никој нема право да им кажува на граѓаните што да јадат, кога и колку, туку да им се овозможи да си ги дозволат сите потребни работи, а не само најосновните. Дури и во комунизмот тоа не се случувало,“ рече Трендафилов, реагирајќи на обидите да се наметне концепт на државно моделирана потрошувачка кошничка.

Тој потенцираше дека синдикалната минимална кошничка е единствениот реален показател за тоа како всушност се живее во Македонија. „Не покажува што треба да се купува, туку дека со платите што ги добиваме – не се живее. Ако некому му смета вредноста на оваа кошничка, нека направи владина кошничка, ама и нека го отвори владиното бифе како работничка менза,“ изјави Трендафилов.

Претседателот на ССМ предупреди дека актуелната економска политика само дополнително ги осиромашува работниците, особено оние во јавниот и приватниот сектор, каде што платите се сè уште на ниско ниво. Тој оцени дека наместо Владата да ја критикува работата на синдикатите, треба да се фокусира на реални решенија како зголемување на платите.

„Ако беа зголемени платите, немаше да зборуваме за вредноста на кошничката, ниту за тоа колку кошнички му требаат на еден самец или на едно семејство,“ подвлече Трендафилов.

Тој најави дека на утрешната седница на ЕСС, ССМ ќе бара минималната плата да се зголеми на 500 евра, како и дополнително зголемување од 6.000 денари за сите други плати.

ССМ, како што информираше Трендафилов, веќе го добил решението за репрезентативност, со што и формално се зацврстува неговата позиција во преговорите со Владата и работодавачите.

Трендафилов заврши со порака дека достоинството на работниците нема цена и дека државата не треба да се однесува како тутор, туку како партнер што обезбедува услови за достоен живот.