Северна Македонија под просекот на ЕУ во користењето на вештачка интелигенција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Северна Македонија под просекот на ЕУ во користењето на вештачка интелигенција

19 декември 2025

• од Станча Јаќимовски

Северна Македонија заостанува зад просекот на Европската Унија во користењето на алатки за вештачка интелигенција (ВИ). Годинава, 22 отсто од населението на возраст од 16 до 74 години во земјата користело некаква форма на вештачка интелигенција. Најголемиот дел од нив ги користеле овие алатки за лични цели (15,76%), додека 8,55% ги применувале за работа. Речиси еден од десет граѓани, односно 9,4%, користеле вештачка интелигенција за потребите на формалното образование.

За споредба, на ниво на Европската Унија, речиси една третина од населението (32,7%) на истата возрасна група користело алатки за вештачка интелигенција. И во ЕУ доминира личната употреба (25,1%), по што следува користење за работа (15,1%) и за формално образование (9,4%). Овие податоци произлегуваат од истражувањето за користење на информатичко-комуникациски технологии (ИКТ) во домаќинствата и од страна на поединците, објавено од Евростат.

Како најчеста причина за некористење на алатки за вештачка интелигенција, 43% од граѓаните во Северна Македонија навеле дека немаат потреба од нив. Дополнително, 11% изјавиле дека не знаат како да ги користат, додека 2% навеле загриженост поврзана со приватноста и безбедноста.

На европско ниво, лидер во користењето на алатки за вештачка интелигенција е Норвешка, каде што 56,32% од граѓаните ги користат овие технологии. Најниска стапка е забележана во Турција, со 17,19%.

Во регионот, најголема употреба на генеративна вештачка интелигенција пријавиле граѓаните на Грција (44,09%) и Словенија (37,56%). Следуваат Хрватска (27,52%), Бугарија (22,5%) и Северна Македонија (22,03%). Најниски стапки се регистрирани во Србија (18,64%) и Босна и Херцеговина (20,26%).

Во рамките на Европската Унија, генеративната вештачка интелигенција е најраспространета во Данска (48,4%), Естонија (46,6%) и Малта (46,5%), додека најниска употреба е забележана во Романија (17,8%) и Италија (19,9%).

Податоците на Евростат покажуваат дека 94% од граѓаните на ЕУ користеле интернет во последните три месеци од 2025 година, додека 4% воопшто не користеле интернет во текот на целата година. За пристап до интернет, речиси девет од десет лица користеле мобилни уреди, а 74% од граѓаните нарачале или купиле услуги или производи преку интернет.

Во Северна Македонија, минатата година 91% од домаќинствата имале пристап до интернет, што претставува значително зголемување во однос на 2015 година, кога тој процент изнесувал 69%. Сепак, 6,86% од граѓаните воопшто не користеле интернет во текот на целата година.

Најчесто користени уреди за интернет-пристап во земјата се мобилните телефони (91,5%), по што следуваат лаптопите (35%), десктоп компјутерите (20%) и таблетите (9%). Интернетот најмногу се користел за телефонски и видео разговори (86%), за пристап до социјални мрежи (78%), како и за електронска пошта и онлајн плаќања (41%).

Онлајн купувањето бележи значителен раст – 42% од граѓаните минатата година нарачале или купиле услуги или производи преку интернет, што е двојно повеќе во споредба со 2020 година, кога тоа го правеле само 21% од населението.