Северна Македонија е прва во Европа по изгорена територија во однос на површината

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Северна Македонија е прва во Европа по изгорена територија во однос на површината

30 јули 2025

• од Станча Јаќимовски

Целосниот колапс на системот за заштита од пожари под раководство на владата на ВМРО-ДПМНЕ резултираше со невидена природна и еколошка катастрофа. Македонија се најде на неславно првото место во Европа по изгорена територија во однос на вкупната површина на државата.

Според официјални податоци, во текот на 2024 година изгореле дури 95.181 хектар шуми, пасишта и зеленило – осум пати повеќе од просечната изгорена површина во последните 17 години. Тоа е алармантен сигнал за несериозниот и неспособен пристап на надлежните институции кон справувањето со огнената стихија.

За споредба, иако Португалија има изгорени околу 140.000 хектари, и Турција 119.000 хектари – овие држави се многукратно поголеми од Македонија. Португалија има површина од околу 92.000 км², Турција речиси 800.000 км², а Македонија само околу 25.000 км².
Соодносно, Македонија е убедливо прва во Европа кога се спореди изгорената површина со вкупната територија на државата.

Ова е огромна еколошка катастрофа со далекусежни последици.
Повеќе од 20% од вкупната површина на македонските шуми и пасишта се уништени. Тоа значи уништена биолошка разновидност, сериозно нарушена животна средина, директна опасност за животот, здравјето и имотот на граѓаните.

Трендот продолжува и оваа година, а последиците ќе бидат уште поразителни. Владата предводена од ВМРО-ДПМНЕ и премиерот Христијан Мицкоски покажуваат неспособност и целосна незаинтересираност да го спречат уништувањето на природата.

Додека граѓаните се гушат во чад, додека се уништуваат животи, домови и природни богатства – институциите под водство на ВМРО-ДПМНЕ молчат, без план, без стратегија, без акција.

СООПШТЕНИЕ НА СДСМ