Селото Љубојно се дави во кал – протестите против сечата добиваат поддршка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Селото Љубојно се дави во кал – протестите против сечата добиваат поддршка

18 август 2025

• од Станча Јаќимовски

Силно невреме вчера поплави делови од селото Љубојно, каде што поројниот дожд проследен со град повеќе од 40 минути предизвика вода да навлезе во дворовите, улиците и куќите. Настанот ја потврди загриженоста на жителите кои со денови предупредуваа дека селото е во опасност од поплави поради масовната сеча на шумата околу него.

Предупредувањата на жителите останаа игнорирани

Жителите веќе повеќе од една недела алармираат дека уништувањето на шумскиот појас го остава селото без природна заштита од надојдените води. Тие организираа протести, но наместо да бидат сослушани, дел од нив се соочија со казни. И покрај тоа, локалното население не планира да се откаже и најави дека ќе продолжи со својот отпор кон понатамошното уништување на шумата.

Последиците видливи од првиот дожд

Вчерашното невреме беше првиот знак дека стравувањата на жителите не биле неосновани. Поројниот дожд веднаш предизвика проблеми и ја покажа ранливоста на селото. „Ова е само почеток“, велат жителите, додавајќи дека секое следно поголемо невреме може да доведе до вистинска катастрофа.

Поддршка од јавноста

Случајот со Љубојно привлече внимание и поддршка од пошироката јавност. Сѐ повеќе луѓе се приклучуваат на повикот за зачувување на природата, која, наместо да биде заштитена, станува жртва на профитот. Граѓанските организации и активистите предупредуваат дека уништувањето на шумите не е само локален проблем, туку закана која може да има долгорочни последици за целиот регион.