Села: Изјавата на Мицкоски дека Дибра, Кичево и Струга имаат апсолутно Македонско мнозинство е скандалозна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Села: Изјавата на Мицкоски дека Дибра, Кичево и Струга имаат апсолутно Македонско мнозинство е скандалозна

02 април 2026

• од Станча Јаќимовски

Одговорот на премиерот Христијан Мицкоски во врска со Коридорот 8 содржи многу невистини и искривувања, реагираат од Алијанса за Албанците. Според партијата, обидот да се обвини Албанија дека автопатот е заглавен на 25 километри од границата претставува уште една манипулација.

Од таму посочуваат дека станувало збор за договор меѓу двете влади за изградба и кофинансирање на тунел, со кој и граничниот премин би бил преместен на поповолна позиција, што значително би ја скратило трасата и би овозможило полесно одржување. Сепак, според нив, актуелната Влада го прекршила и овој договор и сега се обидува да манипулира со јавноста.

„Уште поскандалозен е делот од изјавата кога премиерот вели дека Дебар, Кичево и Струга се со апсолутно македонско мнозинство. Ова не само што не е точно, туку ја покажува и неговата потсвест, која е во спротивност со неговите претходни зборови дека е премиер на сите граѓани и дека не треба на проектот да му се дава етнички карактер“, велат од Алијанса за Албанците.

Од партијата додаваат дека, сега кога сите факти излегле на виделина и сценаријата биле демантирани, го повикуваат премиерот да се врати во реалноста и да работи на реализација на Коридорот 8 без одложувања и компликации.

Со оваа реакција, Алијанса за Албанците уште еднаш потенцира дека инфраструктурните проекти од стратешко значење треба да бидат третирани со одговорност, транспарентност и без дневнополитички манипулации.

– Алијанса за Албанците
Зијадин Села, претседател