Се проширува истрагата за трагедијата во „Пулс“: Опфатени лица од УЈП и ДПИ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се проширува истрагата за трагедијата во „Пулс“: Опфатени лица од УЈП и ДПИ

20 ноември 2025

• од Станча Јаќимовски

Истрагата за трагедијата во кочанскиот клуб „Пулс“ добива нови димензии. Основното јавно обвинителство отвори постапки против повеќе лица осомничени за корупција, злоупотреби и фалсификати. Како што објави МКД.мк, дел од осомничените се веќе лишени од слобода, а за неколкумина ќе биде побарана мерка притвор. Меѓу нив има лица вработени во Управата за јавни приходи (УЈП) и Државниот пазарен инспекторат (ДПИ).

Осомничени службеници од УЈП Штип

Според информациите, притвор ќе биде побаран за Драганчо Паунов, службеник во УЈП Штип, осомничен за примање поткуп (чл. 357) и оддавање службена тајна (чл. 360 од Кривичниот законик). Тој е лишен од слобода.

Притвор ќе биде побаран и за Дуле Димитриев, исто така од Штип и вработен во УЈП, кој се сомничи за примање поткуп и примање награда за противзаконито влијание (чл. 359). И тој е лишен од слобода.

Осомничен за дела давање поткуп (чл. 358) и давање награда за противзаконито влијание (чл. 358-а) е Михаил Јованов.

Сомнежи за злоупотреби и фалсификати

Обвинителството покрена постапка и против Драган Чурлинов од Гевгелија, осомничен за злоупотреба на службената положба (чл. 353) и фалсификување службена исправа.

За истите две кривични дела се товарат и Атанас Чурлинов и Алки Караманолев, двајцата од Струмица и вработени во УЈП Струмица. И тие се лишени од слобода.

Осомничена е и Александра Чичанова од Валандово, исто така вработена во УЈП Струмица, за злоупотреба на службена положба и фалсификување службена исправа.

Во УЈП Штип, лишен од слобода е и Никола Тушев, а за истото дело е осомничен и Александар Кангалов.

Постапка и против лице од Пулс Кочани

За фалсификување исправа по член 378 став 4 од Кривичниот законик е осомничен и Д.Ј., поврзано со клубот „Пулс“.

Истрагата продолжува

Обвинителството продолжува со собирање докази за случајот што ја потресе јавноста. Вчера започна судењето против 35 физички и три правни лица, обвинети за трагедијата. Во тек е и истрага против 13 полициски службеници, за кои обвинение се очекува следниот месец, пренесува МКД.мк.