СДСМ: ВМРО-ДПМНЕ ги штити милионските злоупотреби во Еразмус+, зошто в.д. директорката не е разрешена?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: ВМРО-ДПМНЕ ги штити милионските злоупотреби во Еразмус+, зошто в.д. директорката не е разрешена?

18 август 2025

• од Станча Јаќимовски

На прес-конференција, портпаролот на СДСМ Јовица Јанковиќ остро реагираше на, како што вели, молкот на Владата по објавувањето на скандалот со проневери во програмата Еразмус+.

Обвинувања за молк и прикривање

СДСМ прашува зошто в.д. директорката на Агенцијата за европски образовни програми сè уште не е разрешена, иако, според партијата, постојат потврдени информации дека таа била дел од истрага на ОЛАФ – Европската канцеларија за борба против измами.

„Наместо да ја разреши и да побара одговорност, Владата молчи и ја остава на функција, со што директно ја штити,“ изјави Јанковиќ, додавајќи дека тоа значи само едно – власта е „фатена жива со рацете во европските фондови“.

Извештај на ОЛАФ и сомнежи за милионски злоупотреби

Партијата потсети дека фактите се содржани во Извештајот на ОЛАФ, кој е доставен до Јавното обвинителство. Според тој документ, постои основано сомнение за злоупотреби на над 2 милиони евра европски средства. Идентификувани се повеќе од 50 физички и правни лица од Македонија и пет земји-членки на ЕУ.

Дополнително, остануваат сомнежи околу распределбата на над 8 милиони евра во периодот 2014–2017 година, кога, според СДСМ, Ана Михајлов и нејзината кумашинка Дорина Ѓорчева Митровска биле евалуаторки во Агенцијата.

Поврзани имиња и фирми

СДСМ го спомена и Бошко Нелкоски, првиот директор на агенцијата и ментор на актуелната в.д. директорка. Тие побараа јавноста да дознае дали поврзаноста со фирмите „Силвер Лион Сервисес“ и „Агронимија Органика“ значи дека и тие се дел од истата мрежа на сомнителни тендери и злоупотреби кои ги идентификувал ОЛАФ.

„Клучното прашање е: во чии џебови завршија милионите евра европски пари?“ праша Јанковиќ.

Барање за разрешување и истрага

Според СДСМ, одложувањето на одговорност само покажува дека ВМРО-ДПМНЕ ги штити шемите и злоупотребите во Еразмус+.

„Решението е само едно – разрешување на в.д. директорката и итна, целосна кривична истрага за сите инволвирани во милионските злоупотреби на европски пари,“ порача Јанковиќ.