СДСМ: Владата ја турна ЕСМ во колапс, граѓаните плаќаат поскапа струја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата ја турна ЕСМ во колапс, граѓаните плаќаат поскапа струја

23 декември 2025

• од Станча Јаќимовски

Реакцијата на СДСМ по повод одлуката на Владата да прогласи кризна состојба поради неможност за навремена набавка на мазут открива сериозни пропусти, криминални политики и длабока неспособност во управувањето со енергетскиот сектор.

Според СДСМ, единствените причини поради кои граѓаните ќе плаќаат поскапа електрична енергија и поради кои се воведува кризна состојба се криминалните тендери и целосниот колапс на енергетските политики на Владата предводена од Христијан Мицкоски.

За само година и половина, Владата ја доведе најголемата државна енергетска компанија ЕСМ до финансиски и производствен крах. Оваа година е регистрирано историски најниско домашно производство на електрична енергија – произведени се помалку од 3.000 GWh, иако биле планирани 5.100 GWh. Овој пад, според СДСМ, претставува катастрофален резултат.

Како последица на ваквата состојба, Владата е принудена да купува скапа струја од увоз, по значително повисоки цени отколку што би чинело домашното производство. Цената на оваа неспособност директно ја плаќаат граѓаните. Официјалните податоци покажуваат загуба од 77 милиони евра само во првите два квартали од 2025 година, со проекција дека до крајот на годината таа ќе надмине 100 милиони евра.

Дополнително, ЕСМ за само 18 месеци има земено нови кредити во износ од над 110 милиони евра. Вкупната финансиска дупка, според СДСМ, веќе надминува 200 милиони евра.

Од партијата нагласуваат дека ова не е резултат на „надворешна криза“, ниту пак има врска со протестите во Грција. Станува збор за внатрешно предизвикана катастрофа, директна последица на криминални тендери, скап увоз на струја и неспособно раководење со енергетиката.

Клучното прашање што СДСМ го поставува е зошто енергентите не биле навреме обезбедени. Зошто во сред зима нема најмалку 300.000 тони јаглен на депонија, што е основен предуслов за стабилно зимско производство? Зошто мазутот не бил набавен навреме, туку сега панично се бара решение? И дали веќе постои однапред избрана фирма за снабдување со мазут?

Според СДСМ, токму поради овие пропусти се прогласува кризна состојба и се удира директно по џебот на граѓаните. И покрај буџетската дупка од околу една милијарда евра, Владата не се откажува од криминалните тендери и скапиот увоз на струја, а сега и на мазут.

На крајот, како и секогаш, сметката за ваквото неодговорно и криминално управување ја плаќа народот – сите граѓани на Македонија.