СДСМ со жестока критика: Наместо да делува, Мицкоски шири лажни обвинувања

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со жестока критика: Наместо да делува, Мицкоски шири лажни обвинувања

31 јули 2025

• од Станча Јаќимовски

Социјалдемократскиот сојуз на Македонија (СДСМ) остро реагира на, како што велат, арогантниот и неспособен однос на премиерот Христијан Мицкоски кон тековната еколошка катастрофа со шумските пожари што ја зафатија државата.

Во своето соопштение, СДСМ го обвинува Мицкоски дека, наместо да го менаџира системот за справување со пожарите, се занимава со партиски трибини и лажно ја обвинува опозицијата. „Македонија гори, а премиерот си држи говори“, велат од партијата, оценувајќи го однесувањето на Мицкоски како „безобразие и очајна конструкција“ на човек кој не успеал да се справи со сериозната ситуација.

Партијата потсетува дека претходно јавноста беше сведок на обиди за дефокусирање преку приказни за крави, скакулци, лажни фотографии и наводи од пратеници на ВМРО-ДПМНЕ. „Сѐ тоа се евтини трикови за да се сокрие вистината – институциите не функционираат, системот е нефункционален, а хаосот е секојдневие“, стои во соопштението.

Според податоците кои ги наведува СДСМ, повеќе од 20% од македонските шуми и пасишта се веќе уништени, а државата е прва во Европа по уништена територија од пожари во однос на бројот на жители. Според нив, сето ова е директен резултат на „неспособноста на Владата на ВМРО-ДПМНЕ и Христијан Мицкоски“.

СДСМ потсетува и на ветувањата од страна на власта дека земјата ќе биде најподготвена досега за справување со пожари. „Каде е таа подготвеност? Нема нова опрема, нема нови пожарникари, нема систем. Само импровизации и лажни вести“, критикува опозициската партија.

Во заклучокот од соопштението, СДСМ упатува порака до премиерот: „Пустошот што го остава владата нема да се изгаси со манипулации. Државата гори. Престанете со измислувања – земете, работете!“

СДСМ најавува дека ќе продолжи да ја разобличува, како што велат, неспособната власт и ќе бара одговорност за секој изгубен хектар и секој пропуст во справувањето со оваа криза.