СДСМ: Скандалозна изјава на Тошковски: Дивоградбите ќе се уриваат само ако се опасни по живот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Скандалозна изјава на Тошковски: Дивоградбите ќе се уриваат само ако се опасни по живот

17 јули 2025

• од Станча Јаќимовски

Со остра реакција излезе СДСМ по изјавата на министерот за внатрешни работи, Панче Тошковски, во која тој тврди дека дивоградбите во општина Чаир — чиј број надминува 150 — ќе се уриваат „само ако се опасни по живот“.

Според СДСМ, оваа изјава е скандалозна и претставува отворено релативизирање на владеењето на правото. Тие прашуваат дали со тоа министерот всушност испраќа порака дека сите други дивоградби, кои институциите ќе ги означат како „безбедни“, може легитимно да продолжат да постојат, па дури и да се доградуваат?

„По месеци молк и непостапување при очигледен криминал, Тошковски сега излезе со изговор кој му овозможува да го брани нелегалниот бизнис на неговите коалициски партнери“, се наведува во соопштението на СДСМ. Од партијата обвинуваат дека ваквиот став е отворена заштита на криминалците и резултат на политички договори „под маса“.

СДСМ укажува дека поделбата на дивоградбите на „опасни“ и „неопасни“ е обид за легитимизација на беззаконието и понижување на сите чесни граѓани кои строго се придржуваат до законите, плаќаат даноци и чекаат дозволи за градба.

„Дивоградбите се симбол на корупција, непотизам и безредие. Со оваа изјава, Тошковски испраќа јасна порака: криминалците можат да спијат мирно, додека законот важи само за обичниот народ“, велат од СДСМ.

Партијата бара итна реакција од институциите, транспарентно постапување и недвосмислена примена на законот врз сите, без исклучок.