СДСМ обвинува за колапс на Скопје по снегот: Градот парализиран, институциите нефункционални

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува за колапс на Скопје по снегот: Градот парализиран, институциите нефункционални

21 јануари 2026

• од Гоце Кически

Опозициската СДСМ утринава преку две одделни соопштенија за јавност реагираше на состојбата во Скопје и во делови од државата по снежните врнежи, обвинувајќи ја локалната и централната власт за неспособност и корупција.

Според СДСМ, снежните врнежи во јануари целосно го изненадиле раководството на Град Скопје и владејачката ВМРО-ДПМНЕ, што резултирало со парализиран град, нефункционални служби и хаотичен сообраќај. Од партијата тврдат дека улиците и патиштата не се исчистени навреме и дека граѓаните се оставени сами да се снаоѓаат, чекајќи снегот сам да се стопи за да можат нормално да се движат.

Во соопштенијата се посочува дека нема доволно возила и опрема за чистење на снегот, но, како што наведуваат, има средства за „161 тендер за ортаците“ на власта. СДСМ прашува дали ваквата состојба е во согласност со најавениот концепт „безбеден град“, алудирајќи на управувањето на градските власти.

Опозицијата дополнително обвинува дека тендерите за чистење снег се меѓу „омилените“ на ВМРО-ДПМНЕ и дека локалните функционери од оваа партија, како и од коалициските партнери, профитираат од фактурирање големи количини сол и услуги, додека безбедноста на сообраќајот е доведена во прашање.

Во реакциите се споменуваат и градоначалничката на Скопје, Данела Арсовска, како и лидерот на ВМРО-ДПМНЕ, Христијан Мицкоски, со обвинувања дека јавните пари преку тендери завршуваат во приватни џебови, додека, според СДСМ, нема доволно средства за плати, пензии и основна опрема.

„Како што изгледа градот денес, така ќе изгледа и цела Македонија – блокирана од сите, црна точка во Европа“, порачуваат од СДСМ, најавувајќи дека ќе инсистираат на законски решенија кои, како што велат, нема да дозволат злоупотреба на јавните средства.