СДСМ обвинува: Димитриеска-Кочоска го претвори Министерството за финансии во штаб на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: Димитриеска-Кочоска го претвори Министерството за финансии во штаб на ВМРО-ДПМНЕ

07 август 2025

• од Станча Јаќимовски

СДСМ остро реагираше на постапките на министерката за финансии Гордана Димитриеска-Кочоска, обвинувајќи ја за класична партиска злоупотреба на државна функција. Според партијата, Кочоска во текот на работното време, во својот службен кабинет, примила и промовирала кандидат за градоначалник од редовите на ВМРО-ДПМНЕ, при што настанот бил објавен и на нејзиниот личен профил на Фејсбук, како да е дел од официјалните активности на Министерството.

„Димитриеска-Кочоска, наместо да се фокусира на решавање на економските проблеми, инфлацијата и дефицитот, очигледно го користи ресорот како алатка за водење кампања за ВМРО-ДПМНЕ“, соопшти СДСМ. Од таму додаваат дека ова е уште еден доказ за целосната партизација на институциите, која, според нив, е заштитен знак на Владата на Христијан Мицкоски.

Социјалдемократите прашуваат дали секој кандидат за градоначалник ќе добие третман како оној што го доби кандидатот на ВМРО-ДПМНЕ, или гостопримството важи исклучиво за партиски членови. Тие додаваат дека е неприфатливо граѓаните да плаќаат функционери кои наместо да работат во јавен интерес, се занимаваат со партиски агенди и фотосесии во државни простории.

СДСМ ја оценува Кочоска како една од најслабите министерки во актуелниот состав и бара институционална реакција за, како што велат, очигледната злоупотреба. Според партијата, граѓаните заслужуваат министри кои ќе работат за нив, а не за интересите на партијата.

„ВМРО-ДПМНЕ, по секоја цена и без срам, ја партизира секоја институција до која ќе дојде. Ова мора да престане“, порачуваат од СДСМ.