СДСМ: Мицкоски троши 1,8 милиони евра за спотови и луксуз, додека семејства од Кочани чекаат помош

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски троши 1,8 милиони евра за спотови и луксуз, додека семејства од Кочани чекаат помош

13 јули 2025

• од Станча Јаќимовски

Со жестока реакција излезе СДСМ откако стана јавно дека Владата предводена од Христијан Мицкоски планира да потроши речиси 1,8 милиони евра за самопромоција, маркетинг материјали, билборди, спотови, мебел со „еко-кожа“ и кетеринзи. Социјалдемократите го нарекоа ова расфрлање со народни пари „ароганција и бесрамност“, особено во услови кога бројни семејства, како тие во Кочани, се оставени без поддршка од државата.

„Додека семејства во Кочани молат за помош, додека пожарникарите се борат со огнови со застарена опрема и мизерни плати, Мицкоски решава да троши милиони за брошури, логоа и промотери во Белград“, реагира СДСМ во своето соопштение.

Според опозициската партија, над 110 милиони денари ќе завршат кај приватни фирми ангажирани за „визуелен идентитет“, медиумски кампањи и скапи рекламни проекти. Освен тоа, се алармира дека ваквите трошоци можат да бидат директно поврзани со подготовка на владина изборна кампања, платена од државниот буџет.

СДСМ го обвини Мицкоски дека ги игнорирал сите амандмани за помош на погодените семејства, префрлајќи ги приоритетите кон лична и партиска промоција.

„Ова е влада на луксузот, на личните интереси. Бесрамна и одлепена од реалноста. Наместо нови пожарникарски возила и директна помош за граѓаните, пари има само за билборди и еко-кожа“, стои понатаму во соопштението.

СДСМ бара одговорност од Владата и упатува прашања до јавноста:

Кој ќе одговара за ова расфрлање со народните пари?
Дали ова е приоритет во држава каде што секојдневно се гасат пожари со раце?
Колку семејства треба да останат без кров над глава за Владата да сфати што значи одговорност?

Во заклучок, СДСМ повикува на јавна будност и најавува дека ќе ја разоткрива оваа, како што ја нарекуваат, „скапа срамота“ до крај, барајќи отчет за секој денар потрошен за, како што велат, „бесмислена авантура на владина самопромоција“.

Соопштение на СДСМ