СДСМ: Мицкоски тера партиски трибини додека луѓе гинат во пожарите , целосно е одлепен од реалноста

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски тера партиски трибини додека луѓе гинат во пожарите , целосно е одлепен од реалноста

10 јули 2025

• од Станча Јаќимовски

Во време кога Македонија се соочува со сериозна криза предизвикана од пожари кои одземаат човечки животи и предизвикуваат сериозни материјални штети, премиерот Христијан Мицкоски се фокусира на партиски активности, наместо на координација и справување со катастрофата.

Само вчера, двајца граѓани го загубија животот во пожарите, додека институциите очигледно не успеаја навремено и ефикасно да реагираат. Наместо итна мобилизација на државниот апарат и обезбедување помош за погодените подрачја, Мицкоски избра да одржи партиски трибини, продолжувајќи со партиската агенда како да е сè во најдобар ред.

Ова не е првпат јавноста да сведочи на ваква отуѓеност. Минатата година, кога 10% од територијата на земјата беше зафатена од пожари, Мицкоски беше фокусиран на пресечување ленти на проекти започнати од претходната власт, наместо на справување со итната состојба.

Граѓаните се чувствуваат оставени сами на себе, додека премиерот, според критиките, се обидува да создаде илузија дека државата функционира нормално. Меѓутоа, реалноста на теренот зборува спротивното: недостаток на организирана акција, нефункционални институции и загубени животи.

Обвинувањата се повторуваат – дека ВМРО-ДПМНЕ е повеќе заинтересирана за одржување на партиската моќ и рејтинг отколку за навистина одговорно управување и грижа за граѓаните. Оваа ситуација, според Социјалдемократскиот сојуз на Македонија, претставува уште една потврда за отсуството на емпатија и приоритет на политичкиот интерес пред јавниот.