СДСМ: Мицкоски молчи пред криминалот на ВЛЕН, ДУИ останува недопрена

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски молчи пред криминалот на ВЛЕН, ДУИ останува недопрена

25 јули 2025

• од Станча Јаќимовски

Во најновото соопштение до јавноста, СДСМ остро го критикува лидерот на ВМРО-ДПМНЕ и премиер Христијан Мицкоски, обвинувајќи го дека молчи и соучествува во заштитата на криминалот на своите коалициски партнери од ВЛЕН, додека ДУИ останува целосно недопрена од институциите.

„Смешен е Мицкоски кога го обвинува СДСМ дека слугува на ДУИ, обидувајќи се на тој начин да го прикрие сопствениот срам“, се наведува во соопштението. Од СДСМ потсетуваат дека Мицкоски, додека бил во опозиција, најавувал пресметка со криминалот на ДУИ, но откако ја презеде власта, не само што не презел ништо, туку и, како што тврдат, го „пуштил Артан Груби да избега“.

„За една година власт, ниту еден функционер на ДУИ не е допрен“, додава СДСМ.

Дополнително, партијата го обвинува Мицкоски за молк и прикривање на криминалот на неговиот нов коалициски партнер, Изет Меџити, кој, според СДСМ, е инволвиран во криминал тежок 225 милиони евра. „Молчи за дивоградбите во Чаир, молчи за злоупотребите на Гаши, молчи за скандалите на косовската граница, каде терористи со потерници слободно поминуваа“, стои во соопштението.

СДСМ оценува дека празните флоскули на Мицкоски се разоткриени и дека граѓаните гледаат и разбираат што се случува.

„Му порачуваме да молчи на оваа тема, затоа што за да го спаси својот коалициски партнер, ги издаде членството на ВМРО-ДПМНЕ и сите граѓани, и нема да има ниту еден кандидат за градоначалник во западна Македонија. Кој сега слугува на ВЛЕН, Мицкоски?“ – прашува СДСМ, додавајќи дека овие „лажни политики“ ги препознаваат и членовите на ВМРО-ДПМНЕ, но и целата јавност.