СДСМ: Две недели нема клучни лекови на Онкологија, власта троши милиони на сомнителни тендери

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Две недели нема клучни лекови на Онкологија, власта троши милиони на сомнителни тендери

29 март 2026

• од Станча Јаќимовски

Две недели нема клучни лекови на Онкологија, а власта дава милиони за сомнителни тендери – вели Младеновска

Скопје – Пациентите на Универзитетската клиника за радиотерапија и онкологија веќе две недели се соочуваат со сериозен недостиг на клучни терапии, обвини денеска членката на извршниот одбор на СДСМ, Рената Младеновска, на прес-конференција пред партиското седиште.

Според неа, пациентите кои се борат со малигни заболувања се оставени без неопходните лекови „фезго“, „палбоциклиб“ и „рибоциклиб“, што создава неизвесност, страв и сериозен ризик по нивното здравје.

„Неизвесност, страв и агонија за луѓето кои секој ден се борат за својот живот. Тоа е денеска реалноста со криминалната власт на ВМРО-ОКГ. Граѓаните, болните, се оставени на милост и немилост. Владата нема пари за лекови, има пари само за криминални тендери“, изјави Младеновска.

Таа ја оцени состојбата како нечовечка и недозволива, нагласувајќи дека станува збор за основни терапии без кои пациентите не можат да го продолжат третманот.

Во исто време, Младеновска обвини дека владата склучува сомнителни договори и доделува милионски тендери на фирми со минимален број вработени. Како што посочи, една компанија добила 161 тендер, друга 51, а договор вреден 9 милиони евра бил доделен на фирма со само двајца вработени. Дополнително, таа спомена и тендер од 1,2 милиони евра во Пошта за фирма која, според неа, е блиска до коалицискиот партнер ЗНАМ.

„Дали здравјето на пациентите е условено од тоа кога ќе се распише нов тендер за набавка на лекови? Ова е нечовечко. Ова е недозволиво. Здравството е во тотален хаос, проблеми има насекаде. Владата ги напаѓа и ги омаловажува докторите, одбива да им ги покачи платите, а не може да обезбеди ниту основна терапија со лекови“, истакна таа.

Од опозицијата директна одговорност лоцираат и кај директорот на Фондот за здравствено осигурување, Сашо Клековски, наведувајќи дека недостигот на терапии станал зачестен проблем во периодот на неговото раководење и откако ВМРО-ДПМНЕ е на власт.

Младеновска предупреди дека секој изгубен ден без терапија може да има сериозни последици по здравјето на пациентите и побара итна истрага за причините за недостигот на лекови, како и утврдување одговорност кај сите надлежни институции.