СДСМ до ВМРО-ДПМНЕ: „Декласифицирајте ги документите, нека ја види јавноста вистината“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ до ВМРО-ДПМНЕ: „Декласифицирајте ги документите, нека ја види јавноста вистината“

08 септември 2025

• од Станча Јаќимовски

На вчерашната прес-конференција, портпаролката на СДСМ, Богданка Кузеска, остро реагираше на последните обвинувања и настапи на ВМРО-ДПМНЕ околу случајот со АНБ, нарекувајќи ги „очајни обиди за дефокус“ од, како што рече, нивната неспособност.

Кузеска истакна дека аферата која опозициската партија се обидува да ја претстави пред јавноста е сценарио подготвувано со месеци пред избори, но наместо политичко оружје против СДСМ, „им пукнало како бомба во рака“.

„Им порачуваме јасно и гласно: Декласифицирајте! Нека видат граѓаните дали навистина бил следен премиерот, кој бил следен и со кого комуницирал. Бидете еднаш во вашето 30-годишно постоење храбри и чесни. Па сите кои злоупотребиле – нека одговараат“, изјави таа.

Портпаролката отвори и низа прашања кон раководството на ВМРО-ДПМНЕ, барајќи одговори дали документите содржат информации за откривање руски агентурни мрежи, екстремизам и финансирање дестабилизација на државата. Таа потенцираше и наводни сомнежи дека лидерот на ВМРО-ДПМНЕ, Христијан Мицкоски, комуницирал со лица финансирани од странство, со прашање дали дел од тие финансии завршиле кај него лично или во партиските сефови.

„Неспособноста со која ја водите државата ве бутка секој ден во сѐ поголеми лаги и измислени крими-скандали. Цели 15 месеци не видовме разрешница на ниту едно од сценаријата – жолти комбиња, дронови, наводни шпионски афери. Вашите криминални романи никогаш немаат крај“, порача Кузеска.

СДСМ, како што нагласи таа, нема од што да се плаши и затоа бара документите веднаш да бидат декласифицирани, со цел јавноста да ја дознае вистината.