СДСМ алармира: Инфлацијата достигна 4,8% – граѓаните тонат во сиромаштија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ алармира: Инфлацијата достигна 4,8% – граѓаните тонат во сиромаштија

08 август 2025

• од Станча Јаќимовски

Со инфлација од 4,8 проценти на годишно ниво, стандардот на македонските граѓани е под сериозен удар – предупредува СДСМ, повикувајќи се на податоците на Државниот завод за статистика. Во изјава од прес-конференција, Ема Нешковска, заменик-претседателка на Форумот на жени на СДСМ, ја обвини владата на ВМРО-ДПМНЕ и премиерот Христијан Мицкоски за „економски хаос“ и „тотално промашени политики“.

Според СДСМ, поскапени се речиси сите производи, со акцент на храната и основните артикли, поради што илјадници семејства едвај преживуваат. „Животот станува сè потежок. Родителите се приморани да прават секојдневни математики – дали да платат сметки или да купат леб,“ изјави Нешковска.

Таа критикуваше и, како што рече, неактивноста на Владата, која наместо да преземе конкретни мерки, „анализира и се луксузира“. Според СДСМ, одбивањето на владата да прифати нивни предлози само ја влошува ситуацијата. Како алтернатива, партијата бара:

Укинување на ДДВ за основни прехранбени производи
Зголемување на минималната плата
Покачување на платите во јавниот и приватниот сектор

„Народот не може да чека додека владините функционери се гоштеваат со папаја и манго. Времето на владина незаинтересираност мора да заврши – сметката секој ден ја плаќаат граѓаните,“ потенцира СДСМ.

Партијата порачува дека единствениот начин за стабилизирање на економската состојба е преземање итни и јасни мерки што ќе го заштитат животниот стандард и ќе го спречат понатамошното осиромашување.