Провокација или план? ВЛЕН тврди: ДУИ и Арсовска горат меѓуетнички оган!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Провокација или план? ВЛЕН тврди: ДУИ и Арсовска горат меѓуетнички оган!

29 јули 2025

• од Станча Јаќимовски

Коалицијата ВЛЕН жестоко реагираше на повторното поставување на споменикот на Андон Лазов – Ќосето, нарекувајќи го „опасна и ниска провокација“, оркестрирана од, како што велат, дестабилизирачкиот сојуз меѓу ДУИ, Левица и градоначалничката на Скопје, Данела Арсовска. ВЛЕН предупредува дека ваквиот потег има за цел да предизвика меѓуетнички тензии и да го наруши соживотот во главниот град.

„Ова не е наивен чин. Тоа е намерна, добро испланирана и длабоко антиалбанска провокација,“ порачуваат од коалицијата. Според нив, овој потег е дел од познатите дестабилизирачки сценарија на ДУИ, кои, како што тврдат, се активираат во моменти на политичка или изборна криза, со цел да се одвлече вниманието од корупцијата и неуспесите на власта.

Од ВЛЕН остро го осудија враќањето на споменикот на Ќосето, кого го нарекоа „темна и насилна фигура што симболизира омраза, насилство и поделба“. Во нивното соопштение, тие прашуваат дали одлуката за поставување на споменикот била донесена во Сарај, каде, според нив, функционира „заеднички темен штаб“ на Арсовска и функционерот на ДУИ, Блерим Беџети.

„Дали ДУИ молчејќи го одобри овој чин за да го продолжи својот таен договор со Данела Арсовска?“ прашуваат од коалицијата, алудирајќи на политички договори кои, според нив, се водат зад грбот на граѓаните.

Дополнително, ВЛЕН ја потенцира и апсурдноста на приоритетите на локалната власт, укажувајќи дека, додека Скопје се соочува со сериозни проблеми како хигиенска криза, недостиг на вода и екстремни температури што го загрозуваат здравјето на жителите, властите се занимаваат со „симболи на поделба и конфронтација“.

Од коалицијата потсетуваат и дека токму за време на владеењето на ДУИ, со поддршка на тогашните министри Бујар Османи и Блерим Беџети, бил изградeн споменикот на Ќосето, користејќи владини средства.

„Граѓаните повеќе не ги голтаат старите измами. Ќе се спротивставиме на секој обид за разгорување на етнички конфликти и политичка манипулација преку симболи од минатото“, порачуваат од ВЛЕН, најавувајќи поактивна улога во заштитата на мирот и соживотот.