Професорката Ана Чупеска: Се удира во темелите на државата и се загрозува Охридскиот договор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Професорката Ана Чупеска: Се удира во темелите на државата и се загрозува Охридскиот договор

09 април 2026

• од Станча Јаќимовски

Универзитетската професорка Ана Чупеска оцени дека обидите за повторно отворање на веќе затворени прашања поврзани со јазиците претставуваат ризик за уставниот поредок и за кохезијата на државата. Таа ваквите иницијативи ги квалификува како политички мотивирани и проследени со злоупотреба на јавниот дискурс.

Во објава на социјалните мрежи, Чупеска нагласи дека Охридскиот рамковен договор останува функционален темел на државата и клучен предуслов за политичка стабилност. Според неа, секое релативизирање на договорот претставува „директен атак врз државната кохезија“.

Таа истакна дека прашањата поврзани со употребата на јазиците треба да се третираат со „политиколошка прецизност“ и без еуфемизми, предупредувајќи на, како што рече, намерни тенденции за слабеење на уставниот поредок преку инструментализација на јавната дебата.

Како особено загрижувачки, Чупеска ги посочи обидите за заобиколување на Амандманот 5 од Уставот, кој го опиша како столб на јазичната рамноправност. Таа ги критикуваше институциите за, како што наведе, намерно одолговлекување на одлучувањето и создавање „правен вакуум“ што овозможува политички манипулации.

Дополнително, професорката реагираше и на пристапот кој, според неа, фаворизира формално толкување на прашањата наместо заштита на уставната суштина, предупредувајќи дека тоа може да доведе до институционална ерозија.

Таа нагласи дека актуелните случувања не треба да се гледаат како изолирани инциденти, туку како дел од поширока динамика насочена кон слабеење на механизмите воспоставени со Охридскиот договор, вклучително и Бадентерово мнозинство и процесите што произлегуваат од него.

„Амандманот 5 не е прашање на политички компромис, туку достигнување на демократски поредок“, изјави Чупеска, предупредувајќи дека секој обид за негово укинување може да доведе до политичка дестабилизација.