Притвор од 30 дена за тројца Суданци осомничени за разбојништво во Кисела Вода

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Притвор од 30 дена за тројца Суданци осомничени за разбојништво во Кисела Вода

22 февруари 2026

• од Станча Јаќимовски

Инспектори од ЕВР-ОКР Кисела Вода поднесоа кривична пријава против тројца државјани на Република Судан, осомничени за сторено кривично дело „разбојништво“ во обид, информира Министерството за внатрешни работи.

Станува збор за И.Ш. (20), Х.С. (20) и А.Г. (19), против кои постојат основи на сомнение дека извршиле кривично дело по член 237 во врска со член 19 од Кривичниот законик на Република Северна Македонија.

Настанот бил пријавен во четвртокот, а се случил на трим-патеката на улицата „11-ти Октомври“ во Скопје. Според пријавата, оштетениот М.Т. (27) од Скопје, додека се движел со своето куче, бил пресретнат од три лица кои побарале пари од него.

Откако им одговорил дека нема пари, осомничените извршиле пребарување по неговите џебови, а потоа физички го нападнале, нанесувајќи му видливи повреди. По нападот, сторителите се оддалечиле во непознат правец.

По преземени мерки и активности од страна на полицијата, осомничените биле идентификувани и лишени од слобода. Во просториите на Прифатниот центар за странци, во присуство на јавен обвинител, било извршено препознавање, при што оштетениот во целост ги препознал пријавените како сторители на делото.

Истиот ден, тројцата биле спроведени пред судија на претходна постапка во Основниот кривичен суд Скопје, кој им изрече мерка притвор во траење од 30 дена. Постапката за случајот продолжува